Kimimiz ilk baxışdan eşqə inanır, kimimiz inanmır. "İki yad insan arasında necə böyük bir bağlılıq ola bilər" deyə sual veririk özümüzə, amma bu bir gerçək ki eşq insanın təbiətində var. Eşq elə qəribədir ki, bu günə qədər tərifini edə bilən şəxs olmamış olmamışdır, çünki eşq tərifi olmayan, ancaq yaşanıldığında aydın olan, amma yenə də izah edilə bilməyən bir faktdır…



İlk eşq, ilk həyəcan heç bir zaman unudulmaz. Ən şiddətli şimşəklər çaxar insanın ürəyində, ən böyük zəlzələlər olar könlündə, məna verə bilməz, ətrafında olub bitən onu maraqlandırmaz heç. Onun üçün yalnızca eşq vardır, çünki dünyanın ən maraqlı və ən qəribə şeyini dadmışdır və artıq imtina edə bilmir.



Eşq tərifi olmayan bir fakt, hər kəsin dadması lazım olan bir ləzzətdir. Eyni zamanda, eşq hər an itirmə qorxusuyla yaşamaq deməkdir.